Vatikanið boðaði mánadagin frá, at Frans pávi er deyður, 88 ára gamal.

Hann andaðist stillisliga í bústaði sínum, Casa Santa Marta, í Vatikaninum tann 21. apríl 2025 klokkan 07:35.

Frans pávi, sum varð føddur Jorge Mario Bergoglio í Buenos Aires í 1936, varð valdur til páva í 2013 – tann fyrsti úr Latínamerika og fyrsti jesitturin í pávasessinum.

Í síni 12 ára longu tænastu varð hann kendur fyri sína einfaldu og eyðmjúku framferð, sína trúgv á samfelagslig rættvísi og sítt arbeiði fyri veikastu bólkarnar í samfelagnum.

Hóast heilsutrupulleikar seinnu árini, m.a. álvarsama lungnabruna fyrr í ár, helt hann fram við síni tænastu til tað síðsta.

Langa fríggjadag gav hann sína seinastu almennu signing á Pæturs-torginum í Róm.

Sorg og virðing verður víst pávanum kring allan heimin.

Níggju daga syrgitíð er byrjað, og fyrireikingar til valið av nýggjum páva eru longu byrjaðar.