Leita
Gev jólagávu til Kirkjuligu Heimamissiónina
Hjálp okkum at bera missiónsarbeiðið fram á leið.
{{title}}
Vel upphædd
{{amount}} kr
- {{err}}
Stuðla við {{payment.amount}} kr
{{title}}
Upplýsingar um teg
Eg góðtaki keypstreytirnar
- {{err}}
{{toPaymentButtonText}}
Flyt gávu umvegis banka
Tú kanst eisini flyta umvegis banka á konto 9181-169.059.2 og viðmerkja ‘Jólagáva’:
Hví geva eina jólagávu til Heimamissiónina?
Fjølbroytt arbeiði til allar aldursbólkar
Hvørt ár koma fleiri túsund børn, ung, familjur, eldri, kvinnur, menn v.m. til okkara legur og tiltøk. Harafturat virka vit fyri at stuðla staðbundnum arbeiðum kring landið, sum eitt nú samla eini 1500 børn og ung hvørja viku til sunnudagsskúlar, junior og ungdómsmøtir.
Vit hava eisini trúboðarar, sjómanstrúboðara, barna- og familjuráðgeva, ungdómsráðgeva, forlag við nethandli, Leguhúsið í Nesvík, Trúboðan, bíbliulesiætlan til ung, Sunnudagsblaðið, sangfagnað fyri børn og mangt annað. Alt hetta verður í stóran mun borið av gávum og sjálvbodnum.
Við stórum ætlanum fyri framman innan fleiri økir tørvar okkum støðugt meira fígging til missiónsarbeiðið fyri at vekja upp trúarlívið og menna kristna felagsskapin.
👉 Tú kanst vera við til at bera hetta arbeiði við at lata eina jólagávu.
Ver við at gera Leguhúsið í Nesvík skuldarfrítt
Við útbyggingini í 2019 tók Leguhúsið eitt stórt stig frameftir. Tvær nýggjar kamarslonir og ein glæsilig ítróttar- og samkomuhøll hava opnað fyri enn fleiri møguleikum í leguhúsinum. Men hesi frambrot hava eisini kostað.
Vit hava framvegis 10,3 milliónir krónur eftir av láninum til útbyggingina. Í ár rinda vit umlið 1,3 milliónir í rentum og avdráttum og fáa knappa millión í gávum til at dekka hetta.
👉 Sostatt mangla vit 300.000 krónur fyri at dekka lánsgjøldini í ár.
(Um tú vilt veita eina størri hjálp fyri at fáa hetta lánið niðurgoldið so Leguhúsið gerst skuldarfrítt skjótari, kanst tú seta teg í samband við aðalskrivaran á tlf. 720 720 ella jakup@mission.fo)
Strategi komandi árini
Á vári 2025 løgdu vit fram nýggja strategi fyri komandi árini, har vit vilja seta fokus á hesi 7 innsatsøkir:
- Styrkja ungdómsarbeiðið
- Styrkja barna- og familjuarbeiðið
- Møta menniskjum við umsorgan
- Bera gleðiboðskapin til øll fólkasløg
- Kalla lærusveinar til tænastu
- Menna leiðarar til kristiliga arbeiðið
- Styrkja einleikan í rørsluni
Okkurt verður longu gjørt væl við verandi virksemi, men vit hava eisini ætlanir um átøk, ið krevja meira fígging til okkara arbeiði. Tín jólagáva hjálpir okkum fram á leið við hesum.
Gev fasta mánaðargávu til okkara arbeiði
Tú kanst eisini saman við fleiri hundrað øðrum vera ein fastur stuðul av øllum hesum arbeiðið komandi tíðina við at lata eina fasta mánaðargávu. Hetta hjálpir okkum at leggja arbeiðið meira til rættis.
Takk fyri tín stuðul!
Latið okkum saman gera ein mun – fyri Gud, fyri næstan og fyri framtíðina.
