Jesus er sigursharri yvir øllum teim óndu andunum. Hann talaði í samkomuhúsinum í Kapernaum. Ein maður við óreinum anda sat har. Hann rópti og skríggjaði við harðari reyst: ”»Ey! Hvat hava vit at gera við teg, Jesus úr Nasaret? Ert tú komin at oyðileggja okkum? Eg veit, hvør tú ert, hin heilagi Guðs.« Og Jesus hótti at honum og segði: »Tig og far út úr honum!« Og hin illi andin rendi hann mitt inn ímillum teirra og fór út úr honum, men hevði ikki skaðað hann nakað. ”
Luk.4,34-35

Tá fór hann út úr honum, og maðurin small í gólvið. Eitt sindur seinni reisti tann plágaði maðurin seg upp. Nú var hann ein fríur maður, og fólk har um leiðir søgdu: ”Og ræðsla kom á øll, og tey talaðu saman sín ámillum og spurdu hvør annan: »Hvat er hetta fyri orð? Tí at við mátti og megi býður hann teimum óreinu andunum, og teir fara út!« ” Hvør var tað? Jú, tað var kongurin og sigursharrin á øllum óndum ondum.

Einaferð fór hann yvirum til hina síðuna av sjónum, til bygdarlagið hjá Gerasenum, og tá kemur ein maður við óreinum anda móti teimum. Hann búði í gravhellum og herjaði kring fjøllini í økinum har um náttina og sleyrdi seg sjálvan við gróti. Íbúgvarnir har í økinum høvdu roynt at binda hann fastan, enntá við leinkjum av jarni, men tað hevði hann bara slitið av sær. Onki menniskjað var førur fyri at temja hann, tí seks túsund óndir andar høvdu tikið bústað í honum.

So kemur Jesus. Hann gongur niðri í fjøruni ímóti teim 6.000 óndu andunum. Í somu løtu, Jesus stígur út úr bátinum og út á strondina, kemur maðurin við teim 6.000 óndu andunum og fellur á knæ fyri honum. Óndu andarnir boyggja seg í virðing og heiðuri fyri manninum úr Nasaret. ””

Teir siga: ”… tú ikki mást pína meg!« ” Ein dagin fer tað at henda, at Sátan og allir teir óndu andarnir verða kastaðir í eldsjógvin, og teir vita tað. Teir kenna Kongin yvir óndu andunum. So gevur hann boðini um at fara út. Og 6.000 óndir andar fóru út úr honum eftir boðum hansara.
Hann er Kongurin, ið hevur vald og myndugleikan yvir øllum teim óndu andunum.
E.Campbell umsetti