”Um vit játta syndum okkara, tá er hann trúfastur og rættvísur, so at hann fyrigevur okkum syndirnar og reinsar okkum frá allari órættvísi. ”
1.Jóh.1,9

Arbeið ikki mótvegis eydnu tíni. Tað er ein, ið bjóðar tær eitt lív fylt við gleði, eydnu, styrki og kærleika. Hann ið bjóðar tær hetta, Hann veitir eisini trygd fyri, at tilboð hansara stendur við og ikki svíkur nakran. Tað er Gud, Harri tín. Hann heldur tað, Hann lovar. Tú kanst gerast eitt ríkt og eydnuríkt menniskja nú. Tak ímóti tilboðnum!

Men fyri at kunna taka ímóti tilboðnum, so mást tú sleppa tí, tú nú heldur fast um. Ofta er hetta ymiskt, ið ikki geva tær eydnu og sum heldur ikki eru góð. Slepp hesum, og legg hetta inn undir Jesu kross. Gud Faðir reisti henda kross, har sonur hansara leið fyri at menniskju her kunnu finna eydnuna og sæluna. Bert hjá honum kann er hon at finna. Hav tí Jesu kross hvønn dag í tonkunum og skunda tær til hansara við øllum, sum tú ber uppá av synd og skuld. Hjá Honum vil hetta verða tikið av herðum tínum, og Gud fer at gera lív títt bæði ríkt og eydnuríkt. Kom tí til Jesus og tú fert at fáa alt tað, hjarta títt innast inni tráar eftir.