„Tí, um onkur er í Kristi, er hann nýggjur skapningur; hitt gamla er farið, sí, tað er vorðið nýtt!“
2. Kor. 5,17

Tú heldur tað vera ringt at siga ja til Guds vilja. Tú heldur Guds vilja vera harðan, og tú heldur, at hann spillir lív títt. Men har, hvar Gud knúsar eitt lívsynski, byggir hann í einum eyðmjúkum hjarta nakað nýtt. Hann gevur tær í staðin nakað størri og nógv betri, tí Gud er kærleiki. Tí tekur hann ongantíð tað frá okkum, sum av sonnum verður okkara eydna og tað besta fyri okkum. Hann vil bert taka tað í lívi okkara, sum ikki er reinsað, so hann kann byggja tað so mikið vakrari upppaftur – soleiðis sum okkum innast inni leingist eftir tí. Vænta tað, so kanst tú siga ja til Guds vilja og so finna fullan ugga.