Tað er møguligt hjá einum kirkjufólki at loysa sóknarband.

At loysa sóknarband merkir, at kirkjufólk kunnu knýta sóknarband til sóknarprest og kirkjusókn í øðrum prestagjaldi enn tí, har tey búgva.

Áheitanin um at koma á vallistan í eini kirkjusókn, har kirkjufólkið ikki hevur bústað, skal skrivliga latast formanninum í valstýrinum í kirkjusóknini, har kirkjufólkið ynskir at útinna valrættin. Freistin er í seinasta lagi týsdagin 19. august 2025.

Kirkjufólk kunnu eyðvitað einans greiða atkvøðu til kirkjuráðsvalið í einari kirkjusókn.

Greiningin av hugtakinum at lýsa sóknarband

• Kirkjufólk biðja um at hoyra til eina aðra kirkjusókn enn hana, har viðkomandi býr.
• Kirkjufólk venda sær til sóknarprestin, ið viðkomandi ynskir at hoyra til.
• Sóknarpresturin kann siga ja ella nei til umbønina um at loysa sóknarband.
• Viðkomandi, ið loysir sóknarband, kann fara á kirkjuráðsval í kirkjusóknini, har viðkomandi ynskir at hoyra heima ella í kirkjusóknini, har viðkomandi býr.
• Áheitanin um at koma á vallistan í kirkjusóknini, har viðkomandi ikki hevur bústað, skal skrivliga latast formanninum / forkvinnuni í valstýrinum í kirkjusóknini, har kirkjufólkið ynskir at inna valrættin.
• Seinasta freistin at fáa hesi viðurskifti í rættlag er 3. týsdag í august, t.e. 19. august 2025.
• Undantak verður ikki givið frá tíðarfreistini.

Kelda: folkakirkjan.fo