Sum siður hevur verið, er legusangur til allar summarlegurnar hjá Heimamissiónini.

Hesaferð er heitið á legunum “Send meg – her eri eg”, og tað er eisini heitið á legusanginum í ár.

Tað er Hallgerð Brim, ið hevur yrkt og gjørt lagið til sangin.

Í videobrotinum niðanfyri síggja og hoyra vit børnini á fyrstu leguni í Nesvík syngja legusangin 2025.

1. Guð sendi Jónas til Nineve.
Ei vildi fara – burt fjaldi seg.
Ein størri ætlan var við honum henda dag:
At bera boðini. At enda segði: “Ja”.

Niðurlag:
Send meg – her eri eg!
Til reiðar at fara allan veg.
Send meg – her eri eg!
Leið meg og ver tú mær nær.
Lív mítt tað gevi eg tær.

2. Guð valdi Ráhab at tæna sær.
Á Harran trúði – og bjargað varð.
Ein størri ætlan var við henni henda dag:
At hjálpa fólki Guðs at vinna nýggjan stað.

Send meg – her eri eg!…

3. Mong leita víða, ei finna svar.
Man næstin bíða júst eftir mær?
Ein størri ætlan er við okkum enn í dag:
At boða Jesu navn! Av hjarta syngja glað:

Send meg – her eri eg!…

Hoyr sangin her…