Skrá í samband við 50 ára føðingardagin hjá Vesturkirkjuni. Vælkomin øll somul.

Sunnudagin 24. august
kl.11:00 Hámessa, Heri Joensen, Bergur D. Joensen, Derhard Jógvansson og Hanus á Gørðum eru prestar. Jógvan Fríðriksson, biskupur ber fram heilsan. Tórshavnar Kamarkór syngur. Sunnudagsskúli er í kjallaranum. Aftaná er kransakøka, kaffi og te í kirkjuni og okkurt til børnini.

kl. 12:15-15:00 Opin kirkja. Opið er upp í tornið, høvið at síggja kirkjuna og framsýningina, sum er gjørd í samband við føðingardagin. Skattaveiða til børnini í kirkjuni.
kl. 19:00 -20:00 Hátíðar-orgulkonsert við Ara Hammer Joensen og Jógvani Thomsen, organistum. Á skrá er m.a. frumframførsla av orgulsymfoni hjá Ara Hammer Joensen, skrivað til dagin.

Mánadagin 25. august – fríggjadagin 5. september
kl 10:00-17:00 Opin kirkja. Høvið er at síggja framsýningina og hyggja seg um í kirkjuni, fáa sær ein kopp av te ella kaffi og annars njóta løtuna.

Mánadagin 25. august
kl 20:00-21:15 Gospelkonsert við Aalborg Gospel Choir. Glaðir og lívligir tónar frá heili 130 sangarum. Kórleiðari er Henrik Daniel Christoffersen. Dyrnar lata upp kl 19:30

Týsdagin 26. august
kl 10:30-11:30 Arkitekturur og ímyndir í kirkjuni, spennandi fyrilestur frá Eyðuni Eliasen um arkitekturin í Vesturkirkjuni

Mikudagin 27. august
kl 16:30-17:30 Syng við – Barnasálmar. Sálmar og drekkamunnur í barnahædd. Hanus á Gørðum, prestur, presenterar sálmarnar.
kl. 20:00-21:00 Føðingardagssálmakvøld, Heri Joensen, prestur, sigur frá sálmunum.

Hósdagin 28. august
kl 19:00-20:00 Arkitekturur og ímyndir í Vesturkirkjuni, spennandi fyrilestur frá Eyðuni Eliasen um arkitekturin í Vesturkirkjuni.

Fríggjadagin 29. august
kl. 10:00-10:30 Morgunlestur í VK við Hera Joensen, presti.

kl. 20:00-21:30 Ungdómsguðstænasta, Derhard Jógvansson er prestur, Torgeir Petersen, teologilesandi, hevur prædikuna, Hans F. Christiansen syngur og lovsongsbólkurin úr Tabor á Toftum luttekur.

Leygardagin 30. august
kl.15:00 (Um viðrar) Gongutúrur úr Kirkjubø til Vesturkirkjuna við Derhardi Jógvanssyni.
kl. 17:00 Afturkomin av gongutúri verður gott við grillaðum pylsum ella líknandi. Grillmeistarar verða Derhard og Ann. Náddu tit ikki gongutúrin, komið so bara beint í kirkjuna til matin.

Sunnudagin 31. august
kl.11:00 Guðstænasta við altargongd, Bergur Debes Joensen er prestur og Tórshavnar manskór syngur.

UM KIRKJUNA 

Henda nútímans kirkja er kanska hin mest undrunarverdi bygningur á oyggjunum. Vesturkirkjan, vígd í 1975, er í royndum einføld, men hon er vøkur, stílrein og tignarlig.

Hitt einfalda er reglufast ført ígjøgnum til minstu smálutir. T.d. kunnu nevnast sálmanumrini. Leysliga sæð eru tey bara málaði svørt á hin hvíta steinveggin, ið stendur sum ein vakur mótsetningur til tær svørtu steinflísarnar á gólvinum, men í veruleikanum hanga tey á pinkalítlum, næstan ósjónligum seymum.

Rúmið yvir altarinum er byggilistarligt meistarverk, sum í síni ástundas móti himni ber alt longur og longur upp og gevur tær varhugan av tí óendaliga.

Á altarinum stendur ein lítil gyltur stiliseraður krossur, sum ber eina kristusmynd við krúnu og naglum gjøgnum hendur og føtur.

Kelda: folkakirkjan.fo