Aftur í ár gleðir tað okkum at kunna bjóða øllum sangglaðum børnum á sangfagna.

Sangfagnaðurin er ein serlig lega, sum er fylt við sangi og tónleiki, og sum endar við at børnini hava tvær stórar konsertir í høllini í Nesvík. Umframt sangvenjingar við dugnaligum kórleiðarum, eru eisini aktivitetir og undirhald á skránni, sum vit kenna tað frá flestu legum.

Sangfagnaðurin er 16.-18. oktober, hósdag til leygardag í heystfríðtíðini. Legan er fyri øll sum ganga í 3.-7. Flokki.

Tilmeldingin letur upp hósdagin 4. sep. Kl. 18.00 og fer fram á mission.fo/tilmelding. 
GG:Tað er bert møguligt at tilmelda eitt barn í senn. 

Undanfarnu ár er legan fullteknað aftaná heilt fáar minuttir. Um fleiri systkin skulu tilmeldas, viðmæla vit, at tit eru fleiri, sum sita klár at tilmelda eitt barn hvør.

Tá legan er fullteknað, kemur bíðilistin at liggja á somu síðu, sum tilmeldingin.

Tvær konsertir við sangfagnarkórinum vera leygardagin 18. okt. Atgongumerkini til tær vera lýst til sølu seinni.

Kostnaður:

• Ein luttakari: kr. 510,00
• Tvey systkin á leguni: kr. 465,00 fyri hvønn luttakara
• Trý ella fleiri systkin á leguni: kr. 425,00 fyri hvønn luttakara