Um vikuskifti var bíbliuskeið í Nesvík, har Øssur Kjølbro, gudfrøðingur, leiddi luttakararnar gjøgnum útvaldar partar av Hebrearabrævinum. Skeiðið fevndi um seks fyrilestrar, har Øssur fór í dýpdina við teologiskum og praktiskum spurningum, sum hetta týdningarmikla bræv í Nýggja Testamentinum viðger.

Fyri tey, ið ikki kundu vera við, eru góð tíðindi. Allir seks fyrilestrarnir vórðu tiknir upp og eru nú tøkir á netinum. Tú kanst lurta eftir fyrilestrunum her á heimasíðuni ella á Apple Podcasts ella Spotify. Hetta gevur ein møguleika at grava niður í innihaldið og hugleiða um boðskapirnar, sum vórðu førdir fram um vikuskiftið.

Hebrearabrævið er kent fyri sína djúpu viðgerð av leiklutinum hjá Kristusi sum tann endaligi presturin og offrið, og fingu luttakarar møguleika at fáa eina dýpri fatan av hesum týdningarmikla brævinum.