Aftur til forsíðu

Møti og takkarløta fyri heystið

Mynd: Fotostudio/Posta

Møti og takkarløta fyri heystið

Í annaðkvøld, 9. november klokkan 20.30, skipar Pól Johannessen, trúboðari, fyri møti í kirkjuni í Mikladali, har takkað verður fyri ávøkstur og skurðin í heyst.

– Nú eru fjøllini gingin, og nógv er komið til høldar, og tí fara vit at savnast og syngja saman, hoyra Guds orð og takka fyri skurðin í heyst. Aftaná eru øll boðin í Avhaldshúsið til hugna við drekka, spurnarkapping og annars bara at práta saman, sigur Pól.

Seinastu trý árini hevur Pól havt møtir í Fugloy, Svínoy og Kalsoynni í heystfrítíðini ella seinni á árinum, har takkað verður fyri grøðina, sum heystið gav. Við á møtunum hevur hann havt eplir, røtur, blóðpylsu, seyðarhøvd og ymiskt annað frá heystinum.

– Eg vil, at vit minna hvør annan á at takka fyri gávurnar, sum Gud gevur okkum, og samstundis vil eg minna á, at okkara lívsheyst eisini kemur, og vit eiga at gera okkum tilreiðar til tað, sigur Pól Johannessen.

Viðmerkingar

Til ber at viðmerkja greinina við sakligum grundgevingum og sjónarmiðum. Ein góð minnisregla: Skriva ikki annað enn tað, sum tú kanst siga við ein persón andlit til andlits. Trúboðin loyvir sær at strika viðmerkingar, sum innihalda ljótan málburð, persónsálop ella haturstalu.

Undanfarna grein

Morguncafé á Toftum í morgin

Les grein

USA: Biografar vilja ikki vísa filmin um fosturtøkulæknan Gosnell

Les grein
Næsta grein
A+