David Serner, danskur prestur í Jerúsalem, fer at tala ymsastaðni kring landið um støðuna hjá messianskum jødum í Ísrael í dag. Ísraelsmissiónin skipar fyri.

David Serner hevur fyri stuttum saman við Alexander Goldberg givið út eina bók um messianskar (kristnar) jødar í Ísrael.

Bókin eitur “Jesus-Believing Israelis: Exploring Messianic Fellowships” og er á enskum (https://www.caspari.com/product/jesus-believing-israelis/)

Hon er um støðuna hjá messianskum jødum (teimum, sum trúgva á Jesus) í Ísrael í dag, hvussu nógvir teir eru, hvussu nógvar meinigheitir eru, hvussu tað er at vera Jesustrúgvandi jødi í ortodoksum umhvørvi, hvat teir uppliva av atsóknum og nógv annað.

Skráin fyri tiltøkini er hendan:
Mikudagin 6. juli kl 20: Møti í Emmaus í Klaksvík. Innsavnan til Ísraelsmissiónina.
Leygardagin 9. juli kl 20: Felags ungdómsmøti í missiónshúsinum á Toftum. Innsavnan til Ísraelsmissiónina
Sunnudagin 10. juli kl 11: Gudstænasta í Leirvíkar kirkju. Innsavnan til Ísraelsmissiónina.
Sunnudagin 10. juli kl 19: Møti í meinigheitshúsinum Saron í Sandavági. Innsavnan til Ísraelsmissiónina.

Øll eru hjartaliga vælkomin
Ísraelsmissiónin