Aftur til forsíðu

Blái Krossur skipar bólkar fyri børn og ung í familjum við rústrupulleikum

Blái Krossur skipar bólkar fyri børn og ung í familjum við rústrupulleikum

Tá ein í familjuni hevur trupulleikar við rúsdrekka ella rúsevnum, ávirkar tað øll rundanum, eisini barnið. Eftir heystfrítíðina skipar “Øll hava rætt til góð barnaár”, sum er eitt tilboð hjá Bláa Krossi Føroya, fyri bólkum fyri børn og ung, ið vaksa upp í familjum við rústrupulleikum. Tað sigur Blái Krossur í tíðindaskrivi.

Tilboðið er ókeypis og er ætlað børnum og ungum í aldrinum 8-25 ár. Bólkarnir hittast aðruhvørja viku og verða býttir upp eftir aldri. Við serkønari hjálp og vegleiðing kunnu børnini og tey ungu í bólkinum tosa trygt við onnur, sum skilja teirra støðu.

Endamálið við bólkunum er millum annað at geva børnunum og teimum ungu møguleika til at:

  • uppliva, at tey ikki eru tey einastu, sum hava foreldur við rústrupulleikum
  • tosa við onnur í líknandi støðu, um sínar kenslur og tankar
  • skilja, at tað ikki er teirra skuld, at foreldrini nýta rúsdrekka/rúsevnir, og at tað ikki er teirra ábyrgd at fáa tey at gevast
  • læra at seta mørk og ansa eftir sær sjálvum
  • fáa kunnleika um tað at vera bundin av rúsevnum, og fáa eina fatan av, hvat tað er, sum hendir við foreldrum, ið eru bundin av rúsdrekka/rúsevnum
  • At veita hjálp til eitt meira sjálvstøðugt og nøktandi lív hjá barninum/tí unga, hvørs uppvøkstur er merktur og tyngdur av rústrupulleikum hjá foreldrunum

Bólkarnir hava verið í fleiri ár, og nógv børn og ung hava luttikið. Seinasta hálvár vóru 5 bólkar við meira enn 30 børnum og ungum tilsamans.

– Bólkarnir eru ein stór hjálp fyri tey ungu og ein týdningarmikil liður í at arbeiða fyribyrgjandi, sigur Alisa Hammer, leiðari á fyribyrgingardeildini hjá Bláa Krossi Føroya, ið hevur ábyrgd av tilboðnum ‘Øll hava rætt til góð barnaár’.

Afturmeldingar hava verið hjartanemandi og góðar:

  • Genta 14 ár: “Tað var ræðuligt alla tíðina at goyma, at babba drakk.”
  • Genta 15 ár: “Pápi mín fór at drekka, tá eg var fødd, og tí havi eg altíð følt, at tað er mín skyld, at hann drekkur. Tá ið eg byrjaði í bólkinum, fann eg útav, at tað er ikki mín skyld.”
  • Drongur 10 ár: “Eg fann útav, at tað eri ikki bara eg.”
  • Genta 12 ár: “At møta øðrum, sum eru í líknandi støðu, hevur gjørt, at eg ikki kenni meg so einsamalla longur, og eg skilji nú, at tað er ikki mín skyld, at mamma drekkur.”
  • Drongur 16 ár: “Eg vænti ongantíð, at eg fari at gloyma tað, sum hendi í bólkinum. Tað er í fleiri førum hent, at eg havi hugsað um okkurt, sum onkur segði, ella okkurt, sum vit gjørdu, og tað hjálpir mær.”

Seinasta freist at tekna seg til ein bólk er mikudagin 9. oktober.

Meira kann lesast um bólkarnar á heimasíðuni hjá Bláa Krossi Føroya blakross.fo undir ‘Øll hava rætt til góð barnaár’.

Viðmerkingar

Til ber at viðmerkja greinina við sakligum grundgevingum og sjónarmiðum. Ein góð minnisregla: Skriva ikki annað enn tað, sum tú kanst siga við ein persón andlit til andlits. Trúboðin loyvir sær at strika viðmerkingar, sum innihalda ljótan málburð, persónsálop ella haturstalu.

Undanfarna grein

KFUM&K í Klaksvík setur heili trý fólk í starv sunnukvøldið

Les grein

Set ikki Gud í ein avmarkandi kassa

Les grein
Næsta grein
A+

Trúboðin er ókeypis

...men arbeiðið verður fíggjað við sjálvbodnum gávum.
Dámar tær væl at lesa Trúboðan? So vilja vit fegin spyrja teg, um tú vilt stuðla Trúboðanum.