Aftur til forsíðu

Blákrossbúðin í Havn letur upp í nýggjum og størri hølum í Niels Finsensgøtu

Dakko Petersen, aðalskrivari, høgrumegin, saman við Rósu Samuelsen, landsnevndarlimi, og Magna Højgaard, leiðara í sosialu eindini, uttanfyri nýggju hølini hjá Bláa Krossi.

Blákrossbúðin í Havn letur upp í nýggjum og størri hølum í Niels Finsensgøtu

Fyrr í ár keypti Blái Krossur Føroya rúmliga bygningin í Havn, har barnahandilin Bamsan helt til í fleiri ár, fyri umleið fimm milliónir krónur. Blái Krossur hevur stórar ætlanir við bygninginum, og fyrsti partur er, at Blákrossbúðin, sum selur góð brúkt klæði fyri ein bíligan penga, flytur hagar úr trongu hølunum í Kongagøtu, har búðin hevur hildið til í umleið 20 ár.

Dakko Petersen, aðalskrivari hjá Bláa Krossi, greiðir frá, at tey hava arbeitt miðvíst síðani keypið við at gera nýggju hølini í Niels Finsensgøtu 20 klár, og nú verður flutt inn. Mánadagin 3. desember letur Blákrossbúðin tí upp í nýggju hølunum. Dyrnar lata upp kl. 15.00, og í hesum sambandi verður almenn móttøka frá kl. 15.00-17.00.

Nøkur av teimum mongu sjálvbodnu hjá Bláa Krossi í ferð við at gera Blákrossbúðina klára at lata upp.

– Bygningurin hevur fýra hæddir og er umleið 600 fermetrar til støddar. Blákrossbúðin heldur til á veghæddini, og á aðru hædd verður tikið ímóti klæðum, har tey eisini verða skild og gjørd klár at selja.

Klæði verða alsamt latin Blákrossbúðini at selja. Men vit hava eisini aðrar ætlanir við bygninginum. Vit hava eisini arbeitt í kjallaranum, sum vit ætla at brúka til eitthvørt ungdómsarbeiði, tí bygningurin liggur væl fyri mitt í býnum, sigur Dakko.

Viðmerkingar

Til ber at viðmerkja greinina við sakligum grundgevingum og sjónarmiðum. Ein góð minnisregla: Skriva ikki annað enn tað, sum tú kanst siga við ein persón andlit til andlits. Trúboðin loyvir sær at strika viðmerkingar, sum innihalda ljótan málburð, persónsálop ella haturstalu.

Undanfarna grein

Støðugt færri taka seg úr donsku fólkakirkjuni

Les grein

"Til kokkin!"

Les grein
Næsta grein

Trúboðin er ókeypis

...men arbeiðið verður fíggjað við sjálvbodnum gávum.
Dámar tær væl at lesa Trúboðan? So vilja vit fegin spyrja teg, um tú vilt stuðla Trúboðanum.

A+