Aftur til forsíðu

Kirkjulig yvirlýsing um hjúnalag elvir til stórt kjak í Hollandi

Sum mótmæli móti hollendsku týðingini av Nashville-yvirlýsingini flaggaðu fleiri ráðhús, universitet og aðrir almennir bygningar við ælabogaflaggi. Her universitetið í Amsterdam.

Kirkjulig yvirlýsing um hjúnalag elvir til stórt kjak í Hollandi

250 kristnir leiðarar í Hollandi hava skrivað undir sonevndu ’Nashville-yvirlýsingina’, sum staðfestir, at hjúnalag er ein lívslangur, bindandi sáttmáli millum ein mann og eina kvinnu. Nú vilja LGBT-bólkar kanna, um yvirlýsingin stríðir ímóti lógini.

Nashville-yvirlýsingin varð løgd fram í august í 2017, og nú hava meira enn 22.000 kristnir leiðarar í USA skrivað undir hana, skrivar The Christian Post. Yvirlýsingin er nýliga eisini týdd til hollendskt, og hollendskir kirkjuleiðarar og politikarar, teirra milum leiðarin fyri calvinistiska flokkin SGP, skrivaðu undir hana 5. januar.

Sambært dagblaðnum Trouw eru teir, sum hava skrivað undir, allir menn frá reformertum og protestantiskum kirkjum. Teir kendastu eru leiðarin í SGP, tinglimurin Kees van der Staaij, og senatorurin hjá SGP Diederik van Dijk.

Eftir kærur frá LGBT-aktivistum skal almenni ákærin nú kanna, um yvirlýsingin stríðir ímóti hollendskari lóg. Samstundis varð Kees van der Staaij ákærdur fyri at “fremja mismun móti (LGBT-)fólki.”

Nashville-yvirlýsingin er eisini týdd til norskt og danskt.

 

Kelda: Udfordringen

Viðmerkingar

Til ber at viðmerkja greinina við sakligum grundgevingum og sjónarmiðum. Ein góð minnisregla: Skriva ikki annað enn tað, sum tú kanst siga við ein persón andlit til andlits. Trúboðin loyvir sær at strika viðmerkingar, sum innihalda ljótan málburð, persónsálop ella haturstalu.

Undanfarna grein

Missiónsvikan í Sandavági er byrjað

Les grein

“Fríluftsmissiónin” í Danmark 25 ár

Les grein
Næsta grein
A+

Trúboðin er ókeypis

...men arbeiðið verður fíggjað við sjálvbodnum gávum.
Dámar tær væl at lesa Trúboðan? So vilja vit fegin spyrja teg, um tú vilt stuðla Trúboðanum.