Aftur til forsíðu

Peruarar við bryggju í Hvalvík: Fegnir fyri bílig klæðir

Mynd: Torleif Johannesen

Peruarar við bryggju í Hvalvík: Fegnir fyri bílig klæðir

Í vikuni var sjómanstrúboðarin umborð á frystitrolaranum “Ran”, sum liggur í Hvalvík og ger klárt at fara á Flemish Cap at fiska.

Umborð hitti hann Pedro, Antonio og Roberto frá Peru, sum hava siglt við Ran í áravís. Teir skuldu heim fyrsta dagin og ynsktu at keypa onkur klæði til familjurnar, onkur bílig klæðir, um tað var gjørligt. Prátið kom tá millum annað inn á endurnýtsluhandlarnar hjá Bláa Krossi í Runavík og í Havn.

Teir vóru áhugaðir fyri einum biltúri út í Runavík. Har keyptu teir ymiskt og vóru fegnir fyri túrin. Teir søgdu eisini, at komu teir aftur til Føroya, ja, so komu teir innaftur í handilin, tí klæðini vóru bæði góð og bílig.

Damurnar í handlinum tann dagin, tær vóru úr Rituvík, søgdu, at nógv útlendsk sjófólk høvdu verið í handlinum tann dagin. Tá russisk skip liggja við bryggju í Runavík, eru sum oftast fleiri av manningunum inni í handlinum og keypa okkurt til sín sjálvs ella til familjuna heima.

Viðmerkingar

Til ber at viðmerkja greinina við sakligum grundgevingum og sjónarmiðum. Ein góð minnisregla: Skriva ikki annað enn tað, sum tú kanst siga við ein persón andlit til andlits. Trúboðin loyvir sær at strika viðmerkingar, sum innihalda ljótan málburð, persónsálop ella haturstalu.

Undanfarna grein

Novemberlegan: Seinasta freist at tekna seg sunnukvøldið

Les grein

Onkur fer at bøta fyri, at Asia Bibi er leyslatin. Spurningurin er: Hvør?

Les grein
Næsta grein
A+