Allahalganna sunnudag hevði Jonhard Jógvansson, prestur, eina prædiku, sum tú kanst hoyra her.

Jonhard skrivar soleiðis á heimsíðuni síni: “Boðskapurin um tey sælu og hin stóra hvíta skaran heima í Himli talar beint inn í okkara tilveru! Í hesum lívinum kenna vit jú so væl til saknin eftir okkara kæru deyðu, men Jesus talar beint inn í okkara sorg og sakn. Hann boðar okkum, at hann hevur eina gleði at geva okkum, sum ongatíð kann verða tikin frá okkum aftur. Hann hevur eina æviga gleði at geva tær og mær – eina gleði yvir at møtast aftur!”