Aftur til forsíðu

Sætta jólahaldið í KFUM & K í Klaksvík

Mynd: Annie Spratt

Sætta jólahaldið í KFUM & K í Klaksvík

Eins og í KFUK í Havn, verður aftur í ár skipað fyri jólaaftanshaldi í KFUM & K í Klaksvík fyri tey, ið ikki hava nakran at halda jól saman við. Seinastu fimm árini hevur Pól Johannessen, trúboðari, saman við familju síni, skipað fyri jólaaftanshaldinum, men í ár eru tað hjúnini Dagny Miðskarð & Finn Anthoniussen, sum skipa fyri.

– Vit halda, at Pól og familjan hava gjørt eitt stórt arbeiði í fleiri ár, og hesaferð bjóðaðu vit okkum fram, tí tað ger einki, um fleiri í meinigheitini skiftast um at røkja hesa tænastuna, sigur Dagny.

Skráin verður tann sama sum undanfarin ár.

– Byrjað verður kl. 18, og vit fáa ein góðan jóladøgurða við øllum, sum hoyrir til. Aftur í ár eru tað fólk í KFUM & K, sum koma við øllum tí ymiska matinum og tilhoyrinum. Á skránni verður annars ymiskt hugnaligt. Jólaevangeliið verður lisið, vit syngja jólasálmar saman, dansa um jólatræið, hava spurnarkapping og øll fáa jólapakka, sigur Dagny.

Í fjør vóru 13 fólk tilsamans, tá trúboðarin og familjan eru tald við.

Til ber at boða frá luttøku fram til fríggjadagin á telefon 580859.

Viðmerkingar

Til ber at viðmerkja greinina við sakligum grundgevingum og sjónarmiðum. Ein góð minnisregla: Skriva ikki annað enn tað, sum tú kanst siga við ein persón andlit til andlits. Trúboðin loyvir sær at strika viðmerkingar, sum innihalda ljótan málburð, persónsálop ella haturstalu.

Undanfarna grein

Barnasangbók Føroya - eitt ummæli

Les grein

Jú minni dýpd, jú meira glimmur?

Les grein
Næsta grein
A+