Nú telja vit av álvara niður til stórmøtini, sum verða um bert tvær vikur – 3.-5. november – í høllini á Giljanesi í Vágunum.

Yvirskriftin fyri Stórmøtini í ár er ‘Hvar ert tú?’ Hendan spurning rópti Gud í paradísi, tá Ádam og Eva goymdu seg fyri honum eftir syndafallið. Síðan tá hava menniskju goymt seg fyri Gudi – og mangan eru vit ikki greið yvir tað sjálvi. Men Gud hevur ikki uppgivið okkum. Hann leitar upp og vil bjarga tí, sum er fallin og burturvilstur.

Skráin leggur upp til eitt gevandi tiltak, har evangeliið, sangur og góður felagsskapur er í fokus.

Nógvur sangur og tónleikur á skránni

Sum nakað serstakt kann nevnast, at fríggjakvøldið verður eitt stórt sangkvøld, har Magni Christiansen luttekur við øðrum góðum fólki.

Leygardagin kl. 16.00 verður eisini eitt øðrvísi tiltak – eitt sangtiltak við gospelkórinum VOX. Í 2020 skrivaðu Torleif Johannesen og Ásbjørn Berthelsen 12 nýggjar sangir. VOX kemur at syngja hesar sangirnar, har øll eru boðin at lurta og syngja við.

Annars verða framførslu til ymsu tiltøkini við Magna Christiansen, VOX, Blátt Gras, Anton og Fríðunn í Liljudali, kórinum frá barnasangfagnaðinum og sangbólkinum Tabitha.

Nógv til børnini so øll familjan kann vera við

Til øll møtini verður skipað fyri barnaansing, so øll familjan kann vera við. Leygarkvøld verður eisini eitt juniortiltak, har okkurt spennandi er til tey eldru børnini.

Sunnudagin verður stóra SIMBA hittið, sum er serliga ætlað børnum.

Ungdómstiltøk

Fríggjakvøldið og leygarkvøldið kl. 22.00 verða ungdómsløtur, har tey ungu eru í fokus. Her verður nógvur lovsangur, framførslur og vit hoyra Guds orð saman.

Skráin fyri Stórmøtini

Fríggjadagur 3. nov.

Kl. 19:00 Sangkvøld v/ Magna Christiansen

• Carsten Fonsdal Mikkelsen og Ólavur Jacobsen luttaka
• Innsavnað verður til Trúboðan
• Barnaansing er undir møtinum

Kl. 22:00 Ungdómsløta – “Soleiðis finnur tú Jesus”

• Ólavur Øre Hansen talar
• Magni Christiansen framførir
• Lovsangur
• Innsavnað verður til HMU

Leygardagur 4. nov.

Kl. 16:00 Sangtiltak við kórinum VOX

• Í 2020 skrivaðu Torleif Johannesen og Ásbjørn Berthelsen 12 nýggjar sangir. Kom og hoyr nýggju sangirnar og syng við, meðan skaldini saman við kenda gospelkórinum VOX framføra allar sangirnar.

Kl. 17:30 Nátturði í høllini

Kl. 19:00 Stórmøti – “Eftirlýst”

• Mariann Djurhuus Poulsen talar. 
• Blátt Gras framførir
• Innsavnað verður til Leguhúsið í Nesvík
• Barnaansing og juniortiltak er undir møtinum
• KVF tekur møtið upp

Kl. 22:00 Ungdómsløta – “Cluedo”

• Gerhard Mikkelsen talar
• Anton og Fríðunn í Liljudali framføra
• Lovsangur
• Innsavnað verður til Heimamissiónsungdóm

Sunnudagur 5. nov.

Kl. 15:00 SIMBA hitt

• Elsa Maria Fonsdal Mikkelsen hevur eitt orð
• Kórið frá Sangfagnaðinum framførir
• Innsavnað verður til Simba

Nátturði verður eftir SIMBA hittið

Kl. 18:00 Stórmøti – “Funnin” 

• Jákup Brúsá talar
• Sangbólkurin Tabitha framførir
• Innsavnað verður til Kirkjuligu Heimamissiónina
• Barnaansing er undir møtinum