Allahalgannahald á Vinnuháskúlanum 1. november
Føroyska sjómansmissiónin hevur í ára tíggju skipað fyri “Minningarhaldi teirra sjólátnu” allahalgannadag, 1. november. Soleiðis verður eisini í ár.
Eins og undanfarin ár, verður minningarhaldið á Vinnuháskúlanum, Nóatún, 2. í Havn, mánadagin 1. november kl.14.00.
Við tað, at løgmaður og varaløgmaður eru burturstaddir, verður tað Elsebeth Mercedis Gunnleygsdóttir, landsstýriskvinna, sum talar og leggur kransin í Viðarlundini.
Bergtórur Hjelm Bjarkhamar, prestur, hevur andaktina og bøn og signing í Viðarlundini.
Øll eru vælkomin til løtuna!