Aftur til forsíðu

Enn eitt væleydnað jólaborðhald fyri hjún

Mynd: Erla Mortensen

Enn eitt væleydnað jólaborðhald fyri hjún

Í gjárskvøldið var ein full høll á Hotel Føroyum aftur karmur um árliga jólaborðhaldið fyri hjún, sum Eindin, familjuarbeiðið hjá Kirkjuligu Heimamissiónini, skipaði fyri.

Ásbjørn Berthelsen og Holgar Johannesen vóru vertir og leiddu borðhaldið gjøgnum eina sera fjølbroytt skrá við bæði álvara og gaman, sum nevndin í Eindini hevði lagt til rættis. Høvuðsevnið var samskifti í hjúnalagnum, og tað varð dentur lagdur á á ymiskan hátt. Jógvan Fríðriksson, biskupur, hugleiddi breitt um evnið, við sínum eyðkenda hugfarsliga stíli.

Eisini kom Hilmar Jan Hansen framvið og skemtaði, og sjálvandi kundi hann ikki halda sær at herma eftir bæði biskupi og øðrum prestum.

Sangframførslurnar vóru eisini fjølbroyttar. “Tær fýra”, sum eru kendar frá Frelsunarherinum í Havn, við orkestri, sungu, eins og Jórun Pólsdóttir. Sangskráin fevndi um bæði inniligar og eitt sindur lívligari sangir, bæði kærleikssangir, jólasangir og andligir sangir.

Her eru nakrar myndir, sum Erla Mortensen tók við fartelefonini.

Viðmerkingar

Til ber at viðmerkja greinina við sakligum grundgevingum og sjónarmiðum. Ein góð minnisregla: Skriva ikki annað enn tað, sum tú kanst siga við ein persón andlit til andlits. Trúboðin loyvir sær at strika viðmerkingar, sum innihalda ljótan málburð, persónsálop ella haturstalu.

Undanfarna grein

Prestur kendi seg vónbrotnan í turkiskum fongsli

Les grein

Serligt Lina Sandell-møti í Klaksvík í kvøld

Les grein
Næsta grein

Trúboðin er ókeypis

...men arbeiðið verður fíggjað við sjálvbodnum gávum.
Dámar tær væl at lesa Trúboðan? So vilja vit fegin spyrja teg, um tú vilt stuðla Trúboðanum.

A+