Fleiri enn 100 konfirmantar og ung til pizza í Meinigheitshúsinum í Havn
Jákup BrúsáHvørt hóskvøld kl 20 er ungdómsmøti í Meinigheitshúsinum í Havn, men hesa vikuna var serstakt. Salurin var á tremur við fleiri enn 100 ungum, sum aftaná møti vóru boðin til pizza, spæl og hugna.
Tað hevur leingi verið siður, at ungdómsarbeiði í Meinigheitshúsinum tvær ferðir árliga bjóðar konfirmantum til pizza-kvøld. Hesuferð vóru umleið 50 konfirmantar úr Vesturkirkjuni og Argja kirkju á vitjan, umframt tey ungu, sum vanliga koma á ungdómsmøti.
Jórunn Mohr Viderø, sum eisini situr í ungdómsleiðsluni, hevði eina andakt, umframt at lovsangur var á skránni. Við hesum fingu ungu konfirmantarnir ein smakk fyri, hvussu tað er at vera á ungdómsmøti.
Aftaná varð borðreitt við pizza, umframt at skipa var fyri undirhaldi og spølum, har tey ungu hugnaðu sær óført.
