Tá Norrøna klokkan 13.00 týsdagin, loysti frá bryggju í Havn, við kós móti Íslandi, var Íslandstoymið hjá Heimamissiónini/Sjómansmissiónini við umborð.

Íslandstoymið eru 10 fólk, tann tíggindi býr í Íslandi, sum í átta dagar fara at ferðast til býir og bygdir á Eysturlandinum, við sangi, spæli og vitnisburði um Jesus Kristus.

Toymið kemur at búgva í einum leguhúsi við Eyðar skamt frá Egilsstaðir, og koyra haðani út á bygdirnar.

Í flestu býum/bygdum vitjar toymið Ellisheim seinnapartin og hevur sang og vitniløtu í kirkjuni seinni um dagin ella um kvøldið.

Sungið verður á føroyskum og íslendskum. Andaktir og vitnisburðar verða tulkaðir til íslendskt.

Øll eru vælkomin til løturnar. Toymið takkar fyri forbøn.

Meiri verður at frætta seinni.

Skráin fyrstu dagarnar er hendan:

Mikudagin 6. mai á Seyðisfjørði: Kl.14 á Ellisheininum. Kl.19 í kirkjuni.
Leygardagur 9. mai. Neskaupstaður. Kl.14 á Eldrasambýlið. Kl.19 í kirkjuni.
Sunnudagur 10. mai. Eskifjørður. Kl.14. Eldrasambýlið. Kl.17 í Tónleika- og kirkjumiðstøðini.