GLS leiðsluráðstevnan byrjaði í dag

Árliga leiðsluráðstevnan Global Leadership Summit fór av bakkastokki í Løkshøll í Runavík í dag. Eini 200 luttakarar eru við til tiltaki, sum heldur áfram í morgin.  

Spennandi fyrilestrar vóru á skránni við spennandi nøvnum so sum Craig Groschel, samkomuleiðari í Lifechurch, James Clear, ið hevur skrivað vælkendu bókina Atomic Habits, Erin Meyer, Ryan Leak og Liz Bohannon. 

Harafturat var eitt føroyskt innslag á skránni – ein samrøða við Árna Frederiksberg, sum er stjóri á Kjølbro Heilsølu og vælkendur innan føroyskan fótbólt. 

Tvær vakrar sangframførslur vóru eisini við Erlu Mortensen og Heðin Askham, og seinnapartin við Tóru og Pætur við Keldu.

Ráðstevnan heldur áfram í morgin við eini samrøðu við Hjørdis Háberg Petersen umframt fyrilestrum á stórskíggja við Dallas Jenkins, maðurin handan sjónvarpsrøðina The Chosen, Condoleezza Rice, ið var uttanríkisráðharri í USA undir 9/11 álopunum í 2001 og krígnum í Irak, umframt øðrum nøvnum sum Krish Kandiah, Albert Tate og Megan Marshman. 

LES EISINI  Tað var so farsóttin. Men hvat skal kirkjan nú?

GLS er ein kristilig ráðstevna, sum verdur hildin runt um í øllum heiminum – í 1300 býum í 135 londum. Stevnan er á hvørjum ári í Chicago og fyrilestrarnir verður eisini vístir á stórskíggja kring allan heimin, herímillum í Føroyum. 

Spurningar
Í løtuni eru ikki spurningar til greinina