Hans-Ole Bækgaard: Heilagi Andin – Hvør ert tú og hvat vilt tú?

Vit halda í dag fram við øðrum av fýra fyrilestrum um Heilaga Andan og gerning hansara í okkum sum einstaklingar og í kirkjuni. Upptøkan er frá hvítusunnustevnuni 2022 í Meinigheitshúsinum í Havn, og tað er formaðurin í Indre Mission í Danmark, Cand. Teol. Hans-Ole Bækgaard, ið undirvísir.

I hesum fyrilestri lýsir Hans-Ole Bækgaard millum annað, hvør Heilagi Andin er og hvat hann ikki er. Tú fert at hoyra um fatanina av andum og trúarvillum í fornkirkjuni, eins og orð verða sett á munir í hvítusunnurørsluni og luthersku læruni av Heilaga Andanum og gerningi hans.

Í fyrilestrinum viðmælir Hans-Ole Bækgaard bókina, “Ved en korsvej”. Gudfrøðingurin Geir Otto Holmås setur í hesi bók sjóneykuna á eyðsýnda rákið í tí altjóða karismatiska landslagnum í dag. Umboð fyri hetta rákið halda uppá, at Guds ríki fer at fáa stóra framgongd í okkara tíð, um meinigheitin reisist undir leiðslu av nútíðar ápostlum. Men er tað í veruleikanum prógv fyri hesi hugsanini í Guds orði? Høvundurin vísir á sínar mongu royndir eftir fleiri ár í karismatiskum umhvørvum, og frá tíð síni í leiðsluni fyri Norsk Oase. Hann hevur ein inniligan áhuga í Andans virksemi. Bókin er eitt kall til Andans fólk um at venda aftur til “tær gomlu gøturnar”, har vit kunnu finna hvílu fyri sál okkara.

LES EISINI  Men tit skulu fáa kraft...

Spurningar
Í løtuni eru ikki spurningar til greinina