Aftur til forsíðu

Fá pláss eftir á familjuleguni

Fá pláss eftir á familjuleguni

Um vikuskiftið 21.-23. februar verður familjulega í Leguhúsinum í Nesvík. Tað er Eindin, familjuarbeiðið hjá Kirkjuligu Heimamissiónini, sum skipar fyri, og sjóneykan verður hesaferð sett á sokallaðu selfie-mentanina og tær avbjóðingar, sum hon hevur fyri familjuna.

Tað verða tveir áhugatímar á leguni. Ann Dahl Hansen tosar um ta “óperfektu perfektu familjuna”, og Derhard Jógvansson tosar um spurningin “Hvat kann eg gera í dag, so familjan er betri í morgin?”.

Familjulegan er eitt gott høvi hjá barnafamiljuni “at toga stykkið úr” eitt vikuskifti og hugna sær saman við øðrum barnafamiljum, samstundis sum ein fær viðkomandi undirvísing og góðan mat.

Á familjuleguni er pláss fyri 25-30 familjum, alt eftir støddini á familjuni, og luttakaralistin er farin at fyllast.

Prísirnir fyri leguna eru hesir:

Fyri hjún                                                            1.300 kr.
Fyri hjún við einum barni                             1.500 kr.
Fyri hjún við tveimum børnum                  1.700 kr.
Fyri hjún við trimum børnum ella fleiri    1.900 kr.
Fyri støk                                                               700 kr.
Fyri støk við einum barni                                900 kr.
Fyri støk við tveimum børnum                    1.100 kr.
Fyri støk við trimum børnum                       1.300 kr.
Fyri støk við fýra børnum ella fleiri              1.500 kr.

LES EISINI  Hvítusunna í Hvalvík

Hevur ein børn hjá øðrum við, eru prísirnir hesir:

1 gestabarn                                                     200 kr.
2 gestabørn                                                    400 kr.
3 gestabørn                                                    600 kr.
4 gestabørn                                                    800 kr.
5 gestabørn                                                  1.000 kr.

Ein teknar familju sína á mission.fo/tilmelding, og tekningarfreistin er mánadagin 17. februar klokkan 12, um ikki legan er fullteknað áðrenn. Legan verður rindað, tá ein teknar seg.

#Selfiefamiljan

Undanfarna grein

Borgarstjóravalevni í London: Kristin í Bretlandi verða forfylgd

Les grein

Tvær juniorlegur sama vikuskifti: Hundraðtals juniorar læra um bíbilskar fyrimyndir

Les grein
Næsta grein
A+