Eitt av úrslitunum, sum kom burtur úr arbeiðsdegnum, var, at ítrivsrúmið bleiv gjørt klárt til summarlegurnar. Eg tosaði við Rósalind Olsen, sum eisini hjálpti til við at rudda rúmið í fjør, og tá nevndi hon, at hon angraði, at hon ikki hevði tikið áðrenn og aftaná myndir av rúminum. So eg minti hana á tað í ár.

Rúmið bleiv ruddað og vaskað, og okkurt bleiv málað eisini. Tá arbeiðsdagurin var komin at enda, manglaði at leggja dúkar á borðini, og tað lovaði Marjan Kass Nielsen at gera ein dag í vikuni.

Vit hava nú fingið myndir av lidna rúminum.