Kom við á summarlegu!

Tilmeldingin til summarlegurnar 2024 letur upp mánadagin 15. apríl kl. 18.00.

Aftur í ár vera summarlegur. Summarlegurnar eru fastur partur av summarinum hjá nógvum børnum og juniorum. Legurnar eru fyltar við góðum upplivingum. Spæl uttanfyri í hylinum og á hoppipútuni, bíbliutímar og andaktir, hugni við vinfólkum, postarenningar og nógv annað virksemi gera, at legurnar eru fyltar við góðum og ógloymandi løtum. Nógv vinabond fyri lívið eru knýtt á summarlegum.

Kostnaður og tekningarfreistir

Tekninging fer fram á mission.fo/tilmelding frá 15. apríl kl. 18.00

Summarlegurnar í Nesvík kosta allar 810 krónur fyri hvønn. Legan í Sørvági kostar 780 krónur og legan í Porkeri kostar 695 krónur fyri hvønn. Eru tvey systkin á legu í summar, fáa tey 45 krónur í avsláttri hvør, og eru trý ella fleiri systkin á legu, fáa tey 85 krónur í avsláttri hvør (eisini galdandi fyri ungdómsleguna í summar).

Tekningarfreistin fyri legurnar er 14. juni. Tó kunnu legurnar vera fullteknaðar langt áðrenn freistina, og tí ræður um ikki at drála ov leingi við at tekna seg.

LES EISINI  Summarlegan fyri 6. og 7. flokk

Um onkur setist aftur av fíggjarligum ávum, er møguleiki fyri avsláttri. Skriva til Jóhan Hansen, barna-og familju ráðgeva, á johanh@mission.fo. Allir upplýsingar vera handfarnir í trúnaði.

Legurnar í summar fyri børn og juniorar eru hesar:

2.-3. flokkurNesvík21. juni – 25. juni
2.-5. flokkurGiljanesi       21. juni – 25. juni
2.-5. flokkur Porkeri24. juni – 27. juni
3.-4. flokkurNesvík27. juni – 1. juli
4.-5. flokkurNesvík2. juli – 6. juli
6.-7. flokkurNesvík7. juli – 11. juli

Í tilmeldingini skriva tit, hvørjum flokki børnini ganga í áðrenn summarfrítíðina. 

Avboð
Um avboð verður givið, verður legugjaldið afturflutt soleiðis:

  • Um sagt verður frá seinast 7 dagar áðrenn tiltakið byrjar, verður alt luttakaragjaldið afturgoldið.
  • Um sagt verður frá millum 6-2 dagar áðrenn tiltakið byrjar, verður 75% av luttakaragjaldinum afturgoldið
  • Um sagt verður frá dagin fyri ella sama dag tiltakið byrjar, verður einki afturgoldið.

Eisini er ungdómslega (13. -17 juli) og familjulega (19.-22. juli) í summar. Meir kunning um tær legurnar kemur seinni.

Spurningar
Í løtuni eru ikki spurningar til greinina