Aftur til forsíðu

Kom við á summarlegu!

Mynd: Erla Mortensen

Kom við á summarlegu!

Tilmeldingin til summarlegurnar 2020 varð latin upp 1. mars og fleiri tilmeldingar eru longu komnar.

– Tilmeldingarnar stroymaðu inn beinanvegin, og nakrar av legunum eru næstan hálvfullar longu, men vit síggja tíðiligt, at steðgur kom í, tá Koronasmittan rakti Føroya land. Vit vita ikki við vissu enn, hvussu verður í summar, men verða legur avlýstar, fáa øll sjálvandi pengarnar aftur, sigur Erla Mortensen, samskipari fyri barna- og familjuarbeiðið. Hon leggur afturat, at Kirkjuliga Heimamissiónin fylgir tilmælunum frá heilsumynduleikunum.

Verðið hjartaliga vælkomin á summarlegur 2020 í Nesvík!

Kostnaður og tekningarfreistir

Tekninging fer fram her: (ein rindar samstundis) mission.fo/tilmelding

Summarlegurnar kosta allar 695 krónur fyri hvønn, undatikið Wild Life legan, sum kostar 495 krónur fyri hvønn og legan í Porkeri, sum kostar 595 krónur fyri hvønn. Eru tvey systkin á legu í summar, fáa tey 40 krónur í avsláttri, og eru trý ella fleiri systkin á legu, fáa tey 80 krónur í avsláttri.

LES EISINI  Nýtt kreativt tilfar til børnini á páskum

Tekningarfreistin fyri “vanligu” legurnar er 20. juni, men fyri Wild Life longu 22. Mai. Tó kunnu legurnar vera fullteknaðar væl áðrenn freistirnar, og tí ræður um ikki at drála ov leingi við at tekna seg. Royndirnar seinastu árini eru, at legurnar verða fullteknaðar fyrr og fyrr.

Evnið er “Jørðin”

Hvørt ár er eitt felags evni fyri barnalegurnar, og evnið í ár má sigast at vera sera viðkomandi – “Jørðin”. Tað merkir millum annað, at bíbliutímarnar fara at snúgva seg um tað skaptu jørðina, um at vera menniskja á jørðini, um Guds son, ið gekk á jørðini og síðani bjargaði henni, og eisini um at síggjast aftur á tí nýggju jørðini.

Legurnar í summar fyri børn og juniorar eru hesar:

7.-8. flokkur    Wild Life       29. mai – 31. mai

2.-3. flokkur    Nesvík            26. juni – 30. juni

2.-5. flokkur    Sørvágur        26. juni – 30. juni

LES EISINI  Umrokeringar í starvsfólkahópinum

2.-5. flokkur    Porkeri           29. juni – 2. juli

3.-4. flokkur    Nesvík            1. juli – 5. juli

4.-5. flokkur    Nesvík            6. juli – 10. juli

5.-6. flokkur    Nesvík            11. juli – 15. juli

6.-7. flokkur    Nesvík            16. juli – 20. Juli

Gev gætur, at harumframt eru familjulega og ungdómslegur.

Undanfarna grein

Vitjanin hjá Logos Hope er útsett

Les grein

Mongum brestur ætlan

Les grein
Næsta grein
A+

Trúboðin er ókeypis

...men arbeiðið verður fíggjað við sjálvbodnum gávum.
Dámar tær væl at lesa Trúboðan? So vilja vit fegin spyrja teg, um tú vilt stuðla Trúboðanum.