Aftur til forsíðu

Meinigheitsfakultetið vitjar í Føroyum

Mynd: Menighedsfakultetet, Les gudfrøði

Meinigheitsfakultetið vitjar í Føroyum

Í døgunum 28. februar til 3. mars vitja umboð fyri gudfrøðisskúlan Meinigheitsfakultetið í Føroyum. Tað eru teir báðir Nils Andersen, landsskrivari, og føroyingurin Jón Lange Bech, gudfrøðislesandi, sum koma at undirvísa og kunna um møguleikan at lesa gudfrøði.

Meinigheitsfakultetið (MF) liggur í Aarhus, sum er ein stak hugnaligur lestrarbýur, har fleiri føroyingar lesa. Grundin, at teir vilja vitja Føroyar, er millum annað, at føroyingar í langa tíð hava lisið gudfrøði annaðhvørt í Aarhus ella í Keypmannahavn, og at tað støðugt er neyðugt at gera ung varug við tørvin og møguleikan at lesa gudfrøði.

Í summar verður upptøka á Meinigheitsfakultetinum, sum í sama viðfangi fer undir nýggja samstarvsavtalu um útbúgving, ið fer at knýta norðurlond tættari saman. Samstarvið ber í sær, at nú kann ein lesandi søkja inn á somu útbúgving, men velja at lesa annaðhvørt í Oslo, Keypmannahavn ella í Aarhus. Hvør útbúgvingarstovnur hevur síni sereyðkenni, men felags fyri allar er at útbúgva fólk til tænastu í kirkjuligum virksemi, verið tað seg prestar ella gudfrøðingar í øðrum størvum.

LES EISINI  #Selfiefamiljan – familjulega í februar

Umframt skránna fyri møtini, sum øll eru hjartaliga vælkomin til, vitja teir Kristiligt Felag fyri Skúlaungdóm (KFS) og verða at hoyra í Útvarpinum, Lindini og her á Trúboðanum.

 

Skráin 28. februar – 3. mars:

Hósdag kl. 20:

Ungdómsmøti í Meinigheitshúsinum í Havn

Fríggjadag kl. 20:

Ungdómsmøti í Leirvíkar missiónshúsi

Leygardag kl. 20:

Ungdómsmøti í Meinigheitshúsinum á Skála   og   í Tabor á Toftum

Sunnudag kl. 18.00:

Møti í KFUM&K í Klaksvík

Kl. 20.30:

Ungdómsmøti í KFUM&K í Klaksvík

Viðmerkingar

Til ber at viðmerkja greinina við sakligum grundgevingum og sjónarmiðum. Ein góð minnisregla: Skriva ikki annað enn tað, sum tú kanst siga við ein persón andlit til andlits. Trúboðin loyvir sær at strika viðmerkingar, sum innihalda ljótan málburð, persónsálop ella haturstalu.

Undanfarna grein

Sunnudagin gongur talvan fyri arbeiðið hjá Kirkjuligu Heimamissiónini

Les grein

Komi ikki heim aftur, fyrr enn Føroyar hava fingið fría fosturtøku

Les grein
Næsta grein
A+

Trúboðin er ókeypis

...men arbeiðið verður fíggjað við sjálvbodnum gávum.
Dámar tær væl at lesa Trúboðan? So vilja vit fegin spyrja teg, um tú vilt stuðla Trúboðanum.