Nýtt starvsfólk
1. september byrjar Heðin Arge í 75% starvi á Trúboðanum. Heðin er úr Klaksvík, men síðstu árini hevur hann búð í Keypmannahavn, har hann hevur lisið almenna umsiting.
Seinastu tíðina hevur Heðin arbeitt sum tíðindamaður, har hann hevur fylgt rógvaranum, Sverra Sandberg Nielsen, á hansara leið til OL í Tokyo.
Heðin er giftur við Mirian og saman eiga tey tveir synir. Familjan flytir nú aftur til Føroya.