Koronakreppan hevur merkt allan heimin seinasta góða árið og so eisini virksemið hjá OM Føroyum. Hetta er tí fyrsti aðalfundur síðani 2019.

Á fundinum fer formaðurin at greiða frá virkseminum hjá felagsskapinum seinastu tvey árini og dagligi leiðarin fer at leggja roknskapin fram.

Vit hoyra eisini frá TeenStreet-toyminum um virksemi hjá teimum og hvørjar ætlanir eru í summar.

Fundurin í ár verður í nýggju skrivstovuhølunum hjá OM Føroyum í Skansahúsinum í J. H. Schrøtersgt 11 í Havn. Hetta er bygningurin, sum SMJ hevur hildið til í í mong ár. OM Føroyar hevur, saman við øðrum trúboðara- og hjálparfelagsskapum, leiga bygningin. Vónin er at við at samla fleiri felagsskapir, sum arbeiða fyri sama máli undir somu lon, kunnu vit lyfta støði hjá okkum øllum. Aðalfundurin er tí eisini eitt gott høvi at vitjað bygningin og kunna seg um viðurskiftini har.