Grundleggjandi trúgv – ein rannsóknarferð í okkara kristna grundstøði.

Fríðrikskirkjan bjóðar til áhugavert skeið um kjarnulæruna í tí kristnu trúnni. Uttan mun til um tú hevur eina avmarkaða ella breiða vitan, so ert tú væl komin til eina forvitnisliga ferð í okkara kristnu trúarlæru. Tummas Lykke Kannuberg skipar fyri tímum í Fríðrikskirkjuni.

Hvat kanst tú vænta tær?
Vit hittast umleið eina ferð um mánaðin í Fríðrikskirkjuni í umleið 1-1½ tíma.
Hvønn tíma er:

• Andakt
• Sálmur
• Framløga við evnum sum: Ápostolska trúarjáttanin og Luthers lítla katekismus

Tíðarbil: Vit hittast fimm ferðir frá januar til mai.

Nær: 

•   04. februar kl. 19:00
•   25. februar kl. 19:00
•   18. mars     kl. 19:00
•   22. apríl      kl. 19:00
•   02. mai       kl. 19:00                   

Hví er tað viðkomandi fyri teg?

• Tú ognar tær eina djúpari og breiðari fatan kristnu trúnni.
• Gamlir sannleikar verða endurnýggjaðir
• Trúgvin verður umrødd í nútímans ljósi, og tú fært møguleika at seta spurningar og at kjakast um týðandi evni í tryggum umstøðum. 

Hvussu tekni eg meg til skeiðið?
Skriva ein teldupost til tummas@kirkjan.fo 

Tað, er ókeypis, og øll millum 16 og 100 ár eru vælkomin.

Kom sum tú ert!
Um tú hevur gingið í kirkju í mong ár ella bert ert forvitin um ta kristnu trúnna, so er skeiðið ætlað tær. Ver vælkomin í ein góðan felagsskap og hugnaligar løtur saman okkum. Vit síggjast!