– Skúlabørn í Liberia eru eisini ábyrgd okkara í Føroyum
Vit práta við Elisabeth Poulsen, ið er trúboðari í Liberia í Vesturafrika. Hon er send út av danska útimissiónsfelagsskapinum Promissio, og føroysk sendimeinigheit er Meinigheitshúsið á Skála.
Elisabeth greiðir nærri frá tilveru síni og arbeiðnum í Liberia. Hennara uppgáva er at styrkja skúlaskipanina og menna lærararnar í teimum 28 skúlunum, sum lutherska kirkjan rekur. Hon greiðir frá gleðini, at arbeiðið ger mun, men eisini frá teimum stóru avbjóðingunum, bæði hjá fólkinum sum heild og hjá skúlaverkinum.