Aftur til forsíðu

“Syngið við” í Sandavági Kristi himmalsferðardag

Mynd: Meinigheitshúsið Saron í Sandavági

“Syngið við” í Sandavági Kristi himmalsferðardag

Í sambandi við aðalfundin hjá Kristiligum Lurtara & Hyggjarafelagi í Sandavági í ovurmorgin, Kristi himmalsferðardag, verður alment sangmøti klokkan 17. Tiltakið er í Meinigheitshúsinum.

Harmonikuvinir luttaka, og eisini syngja Heine Lützen og Eyðun Jacobsen nakrar sangir.

Sjálvur aðalfundurin er klokkan 14. Beint eftir aðalfundin verður orðaskifti, har nýggi kringvarpsstjórin Ivan Niclasen og Jógvan á Lakjuni, fyrrverandi landsstýrismaður í mentamálum, luttaka. Orðaskiftið snýr seg um leiklutin hjá Kringvarpi Føroya sum mentanarberi og um ætlanirnar fyri mentanarøkið komandi árini.

Kristiligt Lurtara & Hyggjarafelag er ein limafelagsskapur við umleið 1.100 limum, sum hevur til endamáls at virka fyri kristiligum sendingum í almenna kringvarpinum, bæði í útvarpi og sjónvarpi, og felagið vil eisini arbeiða ímóti, at útvarp og sjónvarp verða nýtt til ósømiligar sendingar.

Undanfarna grein

Sandoyar prestagjald skipar fyri felagsgudstænastu Kristi himmalsferðardag

Les grein

Innsavningin til Sri Lanka: 78.671 krónur komu inn

Les grein
Næsta grein
A+