Aftur til forsíðu

Tveir fyrilestrar í Vesturkirkjuni um at sættast – annar í sambondum sum heild og hin í hjúnalagnum

Tveir fyrilestrar í Vesturkirkjuni um at sættast – annar í sambondum sum heild og hin í hjúnalagnum

Hesa vikuna verða tveir fyrilestrar í Vesturkirkjuni í Havn um at fáa sátt og semju, har ósemja og stríð kann vera. Tað er danin Peter Damgaard-Hansen, sum hevur báðar fyrilestrarnar. Peter er løggildur sálarfrøðingur og parterapeutur og hevur arbeitt við fólki í meira enn 35 ár. Hann hevur servitan í sáttargerð og parterapi, og hann tekur støði í einum samspæli millum likamliga, sálarliga og andaliga heilsu.

Peter skrivar sjálvur millum annað: – Skalt tú veruliga gera sátt, krevst ein máttmikil og grøðandi tilgongd, sum krevur arbeiði og økt sjálvsinnlit hjá báðum pørtum í ósemjuni. Eg leggi dent á sanna sáttargerð, og hvussu hetta kann gerast í roynd og veru.

Fyrilestrarnir í Vesturkirkjuni eru tveir í tali. Mikukvøldið 22. mai klokkan 19:30–21.30 er yvirskriftin “At gera sátt í sambondum”. Hesin fyrilesturin snýr seg um relatiónir millum menniskju sum heild. Leygardagin 25. mai klokkan 14:00–16:30 er yvirskriftin: “Fáa sátt og frið í hjúnalagnum”.

Øll eru vælkomin til fyrilestrarnar. Tiltøkini eru ókeypis, men til ber at lata eina gávu.

Til ber at lesa meira um Peter Damgaard-Hansen á hesum heimasíðum:

integreretpsykologi.dk/baggrundkompetence

docpeter.com

Undanfarna grein

Eyðun gevur fløgu út

Les grein

Heiðursløta fyri David presti í Miðvágs kirkju sunnudagin

Les grein
Næsta grein
A+