Úr trúarinnar heimi
Carsten Fonsdal MikkelsenDAGFØRT 22/01-24: Nú ber til at lurta eftir andaktini 41-80.
”Úr trúarinnar heimi” er ein andaktsbók, skrivað av kenda danska rithøvundanum og biskupinum Kai Jensen.
Bókin varð fyrstu fer útgivin í 1962, men nú 60 ár seinni hevur Petur Jacob Sigvardsen týtt bókina til føroyskt og givið hana út á egnum forlagi, við tí í hyggju at býta bøkurnar ókeypis út til serliga tann eldra partin av fólkinum, eins og bókin verður løgd á ellisheim og sjúkrahús.
Sigrun Hammer, deknur í Dómkirkjuni í Havn, er komin væl á leið við at lesa bókina inn, og nú eru tær fyrstu 20 andaktirnar klárar at taka niður.
Heimamissiónin hjálpir til við at býta bøkurnar út, so um tú fegin vil hava bókini í pappírsútgávu, ert tú vælkomin at venda tær til ein av trúboðarunum.
Lurta eisini eftir Glugganum, har Petur Jacob Sigvardsen í fleiri pørtum greiðir frá lívi sínum.
