”Pilatus svaraði: »Tað, sum eg havi skrivað, havi eg skrivað.« ”
Jóh.19,22

Nú skal kongur ganga kongavegin. Allir høvuðsstaðir heimsins hava ein kendan veg, sum er uppkallaður eftir kongi. Ein slík gøta finst eisini í Jerúsalem. Men henda gøta verður enn tann dag í dag kallað, Via Dolorosa, Líðingavegurin. Skríggj, eiðir og svørjingar, hatur og harðskapur fyllur luftina. Dust, dálking, trampandi hermenn, stylvar, sum gella móti brúgvasteinunum, skríggj úr mannamúgvuni, og mitt í øllum hesum, ein maður, ið dragsar ein stóran kross eftir sær, ið skavar mótvegis brúgvasteinunum.

Tað er kongurin, og hann ger tað alt samalt fyri teg og meg. Eftir hetta gella hamarsløgini á Golgata-heygnum, og so verður krossurin reistur, og har hongur hann. Á krossinum hongur eitt uppslag við hebraiskum, latínskum og griskum teksti. Pilatus hevur skrivað hann: ”… Kongur Jødanna ” Mark.15,26

Tey flestu okkara kenna helst hesa latínsku innskrift: INRI, sum merkir, Jesus Nazaremus Rex Iudaeorum. Á hebraiskum stóð, JHVH, – Egne navn Guds, sum stóð fyri: Jeshua Ha-natzri Ve-malek Ha-yehudim.

Um Pilatus ongantíð áður hevði sagt nakað satt, so segði hann tað her. Men høvuðsresturin kemur til Pilatus og sigur: ”… »Skriva ikki: Kongur Jødanna; men: Hann segði: Eg eri kongur Jødanna.« Pilatus svaraði: »Tað, sum eg havi skrivað, havi eg skrivað.« ” Jóh 19,21-22
Effie Campbell