Aftur í ár verður ungdómspáskastevnan í Meinigheitshúsinum í Havn. Hetta er sætta árið á rað, at ung og eldri savnast um páskaboðskapin.

Hví er páskaboðskapurin viðkomandi fyri okkum í dag?

Páskini eru hjartað í kristnu trúnni. Langa fríggjadag hoyra vit um Jesu krossfesting, har hann í kærleika gav lív sítt fyri okkum. Á krossinum bar hann tað, sum vit sjálvi ikki megnaðu – syndina og alt tað, sum er tungt.

Eftir krossfestingina, sótu lærusveinarnir eftir í stórari sorg, iva og vónloysi. Ein kensla, sum vit kenna aftur, tá lívið tykist myrkt og vónleyst.

Men søgan endaði ikki har. Deyðin hevði ikki seinasta orðið. Jesus reis upp aftur. Uppreisnin broytir alt: Lívið vann á deyðanum, ljósið vann á myrkrinum, og vónin fekk eitt nýtt grundarlag. Páskaboðskapurin er ein boðskapur um frælsi og eina nýggja neyðuga byrjan fyri allan heimin, fyri teg.

Tú og tit øll eru hjartaliga vælkomin á páskastevnuna í Meinigheitshúsinum í Havn (Reyða húsið við SMS)

Skráin sæst niðanfyri

Skráin

Langafríggjakvøld 3 apríl kl 20:00

• Anton í Liljudali talar
• Teitur Poulsen framførir
• Drekka eftir møtið

Páskaaftan 4. apríl kl 20:00

• Jákup Brúsá talar
• Anton og Fríðunn í Liljudali framføra
• Drekka eftir møtið

Páskadag 5. apríl kl 20:00

• Torgeir Petersen talar
• Drekka eftir møtið
• Kl 22:30 er lovsangsløta

Undir møtunum er møguligt at koma til samtalu og forbøn