Í vetur bjóðar Heimamissiónin til økisfundir kring landið, har øll missiónsáhugaði eru boðin við. Fyrsti fundurin verður hóskvøldið 29. oktober kl. 19-21 í Kollafjarðar missiónshúsi.

Umboð fyri leiðsluna hjá Heimamissiónini koma at kunna um gongdina í felags arbeiðinum, og síðan er høvið hjá fólki at seta spurningar og siga sína hugsan um missiónsarbeiðið.

– Endamálið við hesum fundum er at koma á tal við missiónsfólkið kring landið, sigur Jákup Brúsá, aðalskrivari. Vit eru ein stór og breið rørsla, og vit vilja fegin bæði kunna og hoyra hvørja hugsan fólk hava um kósina í missiónsarbeiðinum framyvir.

Øll eru hjartaliga vælkomin til økisfundin. Aftaná eru øll boðin til ein drekkamunn.

Økisfundirnir í vetur verða annars í hesum støðum kl. 19-21:

• Kollafjørður: Hóskvøldið 29. oktober í missiónshúsinum í Kollafirði
• Toftir: Týskvøldið 3. november í Tabor á Toftum
• Tvøroyri: Mikukvøldið 4. november í missiónshúsinum á Tvøroyri
• Tórshavn: Týskvøldið 10. november í meinigheitshúsinum í Havn
• Klaksvík: Mánakvøldið 11. januar 2027 í KFUM-K í Klaksvík
• Miðvágur: Mánakvøldið 18. januar 2027 í missiónshúsinum í Miðvági