“Hvat eiga vit tá at siga um hetta? Er Guð við okkum, hvør er tá ímót okkum?”
Róm.8,31

– at tiga við slatri, tá ið onnur í selskapinum njóta at lurta eftir;

– at verja ein burturstaddan, tá ið onnur nekta hann fyri heiður og æru;

– at liva við sømd av sínum egnu smáu inntøkum í staðin fyri at liva uttan sømd á annara kostnað;

– at lata vera við at verja teg sjálvan, tá ið tú ikki kanst gera so, uttan at gera øðrum mein;

– at nokta at gera tað, ið ikki er rætt; tað sum er vanligt hjá øðrum í eins umhvørvi;

– at sýta sær sjálvum tann stuttleikan at keypa tað, einum lystir; men sum eins inntøkur ikki bera;

– ikki at sleppa teimum kristnu hugsjónunum, tó at tey harvið halda teg vera trongskygdan og láturverdan.