Í dag eru danskir gestir í Leguhúsinum í Nesvík. Tað eru Lise-Lotte Rebel, biskupur í Helsingør Stift, sum saman við 16 próstum er á vitjan í Føroyum í hesum døgum. Ein av próstunum, Søren Isak Nolsøe, hevur konu úr Dali. Endamálið við ferðini er at kunna seg um føroyskt kirkjulív, og á túrinum vitja tey ymsa staðni um landið.

Undir vitjanini í Nesvík vísti Andrias Magnussen, aðalskrivari í Kirkjuligu Heimamissiónini, teimum umstøðurnar í leguhúsinum, og Símun P. Jacobsen, formaður, greiddi frá arbeiðnum hjá Heimamissiónini, bæði søguliga, verandi virksemi og framtíðarætlanir. Eftir framløguna og orðaskifti vórðu gestirnir bodnir til døgurða.