Aftur til forsíðu

Heilsan frá Grønlandstoyminum: Spennandi dagar í Nuuk

Mynd: Torleif Johannesen

Heilsan frá Grønlandstoyminum: Spennandi dagar í Nuuk

Vit hava frætt frá toyminum, sum í hesum døgum er í Grønlandi. Hetta er tíggjunda árið á rað, at vitjað verður í Nuuk:

So er túrurin hjá Grønlandstoyminum longu komin inn í seinna hálvleik. Nógv hevur verið á skránni, og nakað er eftir enn. Mikudagin vitjaði toymið Kofoedskole, har sangur, orð og hugnalig samvera var á skránni. Tey sungu eisini fyri okkum, og so var trummudansur.  Seinni um dagin sungu vit á sjúkrahúsinum, Sana.

Í dag hava vit verið við til grønlendska andakt á sjómansheiminum. Seinnapartin skulu vit í konfirmatión, vitja eitt barnaheim og syngja í fangahúsinum.

Restina av vikuni skulu vit millum annað hava andaktir á sjómansheiminum, vitja dagtilhald, barnaheim og á húsvitjanir. Møguliga verður eisini onkur sangløta í miðbýnum, og koma skip í havn, fáa tey eisini vitjan.

Nógv fólk eru at tosa við, bæði á sjómansheiminum, í býnum og niðri á havnalagnum. Fólk eru blíð, og móttøkan hevur verið sera góð. Dagarnir eru spennandi og innrammaðir í bøn morgun og kvøld. Veðrið er gott, og sólin skínur, og tí verður onkur fríløta nýtt at sóla sær í.

Toymið takkar fyri forbøn – eisini fyri Grønlandi.

Undanfarna grein

Hví eru eingi kristin børn í Norðurkorea?

Les grein

Átta týðandi dygdir

Les grein
Næsta grein
A+