Hvat er ein rættur maður? Mannfólkavikuskifti í Nesvík um góðar tvær vikur

Ein rættur maður! Hann tjenar nógvar pengar, hevur bát og heldur bilin reinan. Hann passar seyð, hevur verið á øllum fjøllum í Føroyum og hevur fleiri frítíðarítriv… Ella er tað alt?

Nú er ein vika farin, síðani børnini og tey ungu fóru í skúla aftur, og tað merkir eisini, at summarlegurnar í Leguhúsinum í Nesvík eru farnar afturum. Men fyri tað er ikki kvirt og tómt í Nesvík! Næstu nógvu vikuskiftini er sum vant hópin av spennandi tiltøkum, hvørt til sín málbólk ella áhugabólk.

Spennandi fyrilestrahaldari

Eitt av hesum tiltøkum er árliga mannfólkavikuskifti 13.-15. september, og í ár verður lagt nógv fyri við spennandi útlendskum undirvísara. Tað er danin Jesper Oehlenschläger, ið skal hava nakrar tímar um, hvat eyðkennir ein rættan mann! Tí tað ynskja allir menn at vera. Jesper er giftur og eigur tvey børn. Hann er prestur, rithøvundur og forstandari á Nordsjællands Efterskole, har fleiri føroyingar hava gingið.

Jesper Oehlenschläger er prestur, rithøvundur og eftirskúlaforstandari

Skráin

Fríggjadagur 13. september

LES EISINI  Sjálvbodna arbeiðið gongur væl - skjótt klárt hjá timburmonnum at byrja

Kl. 18:00 Vælkoma

Kl. 18:30 Nátturði

Kl. 20:00 Bíbliutími: “Rættir menn eru sterkir í náðini” v/ Jesper Oehlenschläger

Kl. 23:00 Turr grind og spik

Kl. 24:00 Andakt

 

Leygardagur 14. september

Kl. 09:00 Morgunmatur og andakt

Kl. 10:00 Bíbliutími: “Rættir menn leiða og verða leiddir” v/ Jesper Oehlenschläger

Kl. 12:00 Døgurði

Kl. 13:30 Bíbliutími: “Rættir menn liva fyri Jesus” v/ Jesper Oehlenschläger

Kl. 15:00 Fullpower og aðrir aktivitetir

Kl. 18:30 Veitslukvøld við góðum mati og undirhaldi

Kvinnukórið Suð syngur

Kl. 22:00 Sangløta og andakt

Sunnudagur 15. september

Kl. 09:00 Morgunmatur og andakt

Kl. 11:00 Gudstænasta: “Rættir menn hjálpa øðrum” v/Jonhard Jógvanssyni

Kl. 12:30 Døgurði

Kl. 13.30 Vit rudda og takka fyri

Umframt skránna verður vanliga nógv gjørt, fyri at menn í øllum aldri skulu kunna hugna sær saman, kenna seg væl og hava tað stuttligt.

Tekning og kostnaður

Kostnaðurin fyri mannfólkavikuskiftið, har gisting, matur, undirvísing og alt hitt er íroknað, er einans 665 krónur.

LES EISINI  Nógvar fyrimyndir á familjulegu

Tilmelding fer fram á mission.fo/tilmelding

Freistin at tekna seg er 9. september.

Spurningar
Í løtuni eru ikki spurningar til greinina