Jóhan í starvsvenjing hjá Heimamissiónini

18.august byrjaði 24 ára gamli rituvíksingurin, Jóhan Hansen, í starvsvenjing hjá Kirkjuligu Heimamissiónini.

Jóhan hevur seinastu trý árini búð í Århus, har hann lesur lesur Kristendom, kultur og kommunikation (3K). Hann er júst farin undir seinasta árið av útbúgvingini, og komandi hálva árið – fram til jólar – verður hann í starvsvenjing hjá Heimamissiónini.

– Fakliga eru nógvir møguleika fyri at mennast í Heimamissiónini, sum hevur eitt breitt arbeiði og fevnir um teir flestu partar av útbúgvingini, sum eg taki. So eg havi møguleika at royna ymiskt av, og royna tað eg havi lært á skúlabonki, í praksis. Samstundis liggur arbeiði hjá Heimamissiónini og tað grundarlagið mær nær at hjartanum.

Øll míni barnaár varð eg leiddur í Missiónsúsi í Rituvík til sunnudagsskúla, junior og síðani til ungdómsmøti. Tað hevur altíð verið ein náturligur partur av mínum daglidegi. At verða ein lítil viðspælari í tí stóra arbeiðinum og at leiða fólk til Jesus og styrkja tey í trúnni er nakað, ið eg havi roynt at liva eftir leingi. Hetta vóni og vænti eg, at eg kann halda fram við gjøgnum tíðina í Heimamissiónini, sigur Jóhan.

LES EISINI  Tað fyllist skjótt á summarlegunum!

Tað verður serliga innan barnaøkið at Jóhan hann kemur at arbeiða innanfyri og er ætlanin at ymiskt barnatilfar kemur út á trubodin.fo.

– Eg havi følt meg væl móttiknan í Nesvík. Tann fyrsta tíðin er farin við, at eg havi sett meg inn í ymiskt, og so smátt byrjaður uppá ymiskar uppgávur. Tað verður mest innan SIMBA  at eg komi at arbeiða og partvís á Trúboðanum. Alt eftir hvat tíðin fer at røkka til, so verður tað møguliga innan onnur økir eisini. Í praktiktíðini vóni eg at læra eina rúgvu, samstundis sum eg vóni at Heimamissiónin fær nakað burturúr at hava meg í praktik, greiðir Jóhan frá.

Fyrsta sendingin til børn er longu klár og kemur út seinni í vikuni.

Hjartaliga vælkomin, Jóhan.