Aftur til forsíðu

Leiðarin fyri bumbaða kirkju á Sri Lanka fyrigevur álopsmonnunum

Leiðarin fyri bumbaða kirkju á Sri Lanka fyrigevur álopsmonnunum

Ein av kirkjunum, sum yvirgangsmenn lupu á páskamorgun, var Zion’s Church í býnum Batticaloa á eysturstrondini. Í hesi kirkjuni doyðu 28 fólk, meira enn 125 vórðu særd, og summi teirra eru enn í lívshættisligari støðu; og tað er hesi kirkju, sum neyðhjálparinnsavningin í Føroyum miðar eftir at hjálpa.

Stutta filmsbrotið er ein samrøða við prestin í Zion’s Church, Roshan Mahesen. Upptøkan varð gjørd 26. apríl. Í hjartanemandi samrøðuni vendir hann sær til teirra, sum stóðu aftanfyri álopið, og bjóðar teimum fyrigeving. Eisini takkar hann vegna ofrini øllum, sum biðja fyri teimum og stuðla teimum:

– Vit eru særd. Vit eru eisini ill. Men kortini siga vit – sum seniorpastorur í Zion’s Church í Batticaloa, øll meinigheitin og hvør familja, sum er rakt – við sjálvmorðsbumbumannin og eisini við bólkin, sum sendi sjálvmorðsbumbumannin, at vit elska tykkum og fyrigeva tykkum; uttan mun til hvat tit hava gjørt okkum, elska vit tykkum, tí vit trúgva á Harran Jesus Kristus, segði Roshan og legði afturat:

– Jesus Kristus segði á krossinum: Faðir, fyrigev teimum, tí at teir vita ikki, hvat teir gera. Vit, sum fylgja í fótasporum Jesusar, siga eisini við Harran: Fyrigev hesum fólkum.

At enda segði Roshan, at tey vilja standa fast og halda fram við tí missión, sum Harrin hevur kallað tey til, og at tey eru til reiðar.

Undanfarna grein

Maria volontørur hjá SIMBA og EINDINI restina av árinum

Les grein

Samskifti

Les grein
Næsta grein
A+