Kom við á summarlegu! Vit bjóða børnum tykkara nakrar dagar fyltar við góðum upplivingum, nýggum vinarbondum, góðum bíbliutímum og andaktum.

Umstøðurnar í leguhúsinum í Nesvík eru sera góðar við m.ø. einari stórari hoppipútu, vølli, góðum spæliplássi og einum hyli, har børnini kunnu rógva og spæla. Inni hava vit eina høll, borðtennisborð og góðar umstøður til hugna. 

Summarlegur verða eisini í skúlunum í Sørvági og Porkeri. Hesar legurnar hava eisini framúr umstøður til nakrar góðar dagar saman við vinum, bæði gomlum og nýggjum.

Vit gleða okkum til nógvar góðar legur saman við børnunum.

Kostnaður og tilmelding

• Tilmelding á mission.fo/tilmelding.
• Tilmeldingin letur upp 7. apríl 2025 kl. 18. 
• Tilmeldingarfreistin er 15. juni.
• Legurnar verða skipaðar eftir flokki. Tit tilmelda eftir flokkinum, sum børnini ganga í áðrenn summarfrítíðina.

Í fjør vóru fleiri legur skjótt fullteknaðar, so tað er at skunda sær.

Vit hava Simbalegur í Nesvík, í Sørvági og í Porkeri

Simbalegurnar í Nesvík

Kostnaður 840 kr. 

• 2.-3. flokkur:   26.- 30. juni
• 3.-4. flokkur: 1. – 5. juli
• 4.-5. flokkur: 6. – 10. juli
• 6.-7. flokkur: 16. – 20. juli

Simbalegan í Sørvági

Kostnaður 810 kr. 

• 2.-5. flokkur: 26. – 30. juni

Simba legan í Porkeri

Kostnaður 725 kr.

• 2.-5. Flokkur: 30. juni – 3. juli

Systkinaavsláttur

Eru tvey systkin á legu í summar, fáa tey 45 krónur í avsláttri hvør, og eru trý ella fleiri systkin á legu, fáa tey 85 krónur í avsláttri hvør. Hetta er eisini galdandi fyri ungdómsleguna í summar. 

Fyri at fáa systkinaavsláttur er týdningarmikið at velja rætt við tilmelding.

Dømi: 

Hevur tú 3 børn, sum skulu á 3 ymiskar legur, skalt tú á hvørjari legu sær velja 1 í nøgd á “Summarlega v/systkinaavsláttri – 2 ella fleiri systkin”.

Hevur tú 2 børn, sum skulu á somu legu, skalt tú velja 2 í nøgd í somu tilmelding.

Um onkur setist aftur av fíggjarligum ávum, er møguleiki fyri avsláttri. Skriva til Jóhan Hansen, barna- og familjuráðgeva, á johanh@mission.fo. Allir upplýsingar vera handfarnir í trúnaði.

Avboð

Um avboð verður givið, verður legugjaldið afturflutt soleiðis:

• Um sagt verður frá seinast 7 dagar, áðrenn legan byrjar, verður alt luttakaragjaldið afturgoldið.
• Um sagt verður frá 2-6 dagar, áðrenn legan byrjar, verður 75% av luttakaragjaldinum afturgoldið.
• Um sagt verður frá dagin fyri ella sama dag, sum legan byrjar, verður einki afturgoldið.

Eisini verða ungdómslega (21. – 25. juli) og familjulega (1.- 4. august) í summar. Meira kunning um tær legurnar kemur seinni.