”»Andi Harrans er yvir mær, av tí at hann hevur salvað meg, til at bera fátækum gleðiboð. Sent hevur hann meg út til at boða fangum frælsi og blindum sjón, til at sleppa neyðstøddum leysum, til at kunngera eitt Harrans náðiár.« ”
Luk.4,18-19

Tað er so, at kongar altíð lesa trúntaluna. Tey høvdu eina skrá, eina ætlan. Hvørja ferð Stórtingið verður innsett skal norski kongurin, Haraldur, lesa ætlan ríkisins. Hann heldur sostatt sína trúntalu. Til allar tíðir hevur verið stríð og ófriður millum rík og fátøk í hesum heimi.

Mangir kongar gloymdu tey fátøku, og mutur og rotinskapur valdaði á kongsborgini. Jesus hevur eisini eina ætlan. Tá hann kom inn í synagoguna í Nasaret í byrjanini av almennu tænastu og virki sínum, tá helt hann sína trúntalu. Hann legði fram ætlan sína í kapitli 4 hjá Lukasi. Hann letur upp bók profetsins, og so heldur hann sína trúntalu.

Hugsa tær, ein kongur, ið heldur sína trúntalu út frá Bíbliuni. Hetta ger eingin kongur í dag – als eingin. Men einaferð fer tað at verða soleiðis á jørðini, at menn fara at halda trúntaluna við støði í Guds orði, tí hann fer at koma aftur.

Men í Nasaret reisist hann upp, og so lesur hann ætlan sína: ”»Andi Harrans er yvir mær, av tí at hann hevur salvað meg, til at bera fátækum gleðiboð. Sent hevur hann meg út til at boða fangum frælsi og blindum sjón, til at sleppa neyðstøddum leysum, til at kunngera eitt Harrans náðiár.« ” Luk.4,18-19

So lat hann bókina aftur og settist niður.

Ætlan hansara er aktuel og enn í gildi á okkara døgum. ”… hann skal verða kongur … allar ævir ” og ”… og á kongadømi hansara skal eingin endi verða.« ” Luk.1,33

Hann er kongur her í dag. Lurta eftir ætlan hansara: tú ert frí/fríur!
E.Campbell