Teksturin í dag er Matteus 9,27-34

Jørgen Andreasen lesur.

v27 Og tá ið Jesus fór avstað aftur haðani, gingu tveir blindir menn aftan á honum og rópaðu og søgdu: «Miskunna okkum, Dávids sonur!» v28 Men tá ið hann var komin heim til húsa, komu teir blindu til hansara; og Jesus sigur við teir: «Trúgva tit, at eg kann gera hetta?» Teir siga við hann: «Ja, Harri!» v29 So nam hann við eygu teirra og segði: «So verði tykkum eftir trúgv tykkara!» v30 Og eygu teirra opnaðust. Og Jesus legði teimum ríkan við og segði: «Síggið til, at eingin fær hetta at vita.» v31 Men teir fóru avstað og søgdu tíðindi um hann í øllum bygdunum har um vegir. v32 Men tá ið teir vóru farnir avstað, sí, tá førdu tey til hansara ein dumman mann, sum hevði ein illan anda. v33 Og tá ið hin illi andin var rikin út, talaði hin dummi. Og mannamúgvurnar undraðust á hetta og søgdu: «Ongantíð hevur tílíkt sæst í Ísrael.» v34 Men Fariseararnir søgdu: «Hann rekur út illar andar við høvdinga hinna illu andanna.»