Boko Haram avrættar kristin neyðhjálparfólk í Nigeria

Morning Star News upplýsir, at yvirgangsbólkurin Boko Haram í næstsíðstu viku almannakunngjørdi eitt videobrot, ið vísir avrættingina av tveimum kristnum neyðhjálpararbeiðarum í Nigeria.

Lawrence Duna Dacighir og Godfrey Ali Shikaham, sum báðir vóru limir í Church of Christ in Nations (COCIN) síggjast í videobrotinum liggjandi á knøum, meðan tríggir vápnaðir yvirgangsmenn í gekkaskorti standa aftanfyri teir.

Teir báðir ungu menninir, sum vórðu skotnir aftanífrá, vóru komnir til Maiduguri fyri at byggja hús til fólk, sum vóru rikin heimanífrá, eftir islamistiskan harðskap í økinum.

Ein av yvirgangsmonnunum greiddi á hausa-málinum frá, at teir fóru at drepa hvønn einasta kristnan, ið teir fingu fatur í, sum hevnd fyri teir muslimar, sum eru dripnar í undanfarnum samanbrestum í Nigeria.

Teir báðir dripnu vórðu eyðmerktir av einum skyldfólki, prestinum John Pofi frá COCIN-kirkjuni.

 

Kelda: Udfordringen

LES EISINI  Frá Norðurkorea til England, frá Helviti til Himmalin
Spurningar
Í løtuni eru ikki spurningar til greinina